ദക്ഷിണാഫ്രിക്കയില്‍ ലോകകപ്പ് അതിന്റെ രണ്ടാം റൌണ്ടിലേയ്ക്ക് കടക്കുകയാണ്. അതിന്റെ ആവേശം കേരളത്തില്‍ അങ്ങോളമിങ്ങോളം അലയടിക്കുകയാണ്.
വിവിധ രാജ്യങ്ങളുടെ ഫാന്‍സ് അസോസിയേഷനുകള്‍ മത്സരിച്ച് കേരളത്തില്‍ ഫ്ലക്സ് ബോര്‍ഡുകള്‍ സ്ഥാപിക്കുന്നുമുണ്ട്. ആര്‍ക്കുവേണ്ടി ? ആരും ആലോചിക്കുന്നുമില്ല. പരസ്പരം പ്രകോപനങ്ങള്‍ സൃഷ്ടിക്കുന്ന വാചകങ്ങള്‍ എല്ലാവരും എഴുതിയിട്ടുമുണ്ട്. ഇതാണോ യഥാര്‍ത്ഥ Sportsman Spirit ? ടീമുകളോടും കളിക്കാരോടുമുള്ള ഇഷ്ടം മനസ്സിലാകുന്നു. പക്ഷെ, എന്തോ ഇത് എനിയ്ക്ക് മനസ്സിലാകുന്നില്ല.
അര്‍ജന്റീന, ബ്രസീല്‍ എന്നീ ടീമുകള്‍ക്കാണ് ഏറ്റവും കൂടുതല്‍ ഫ്ലക്സ് ബോര്‍ഡുകള്‍. മറഡോണ പുകവലിക്കുന്ന(ചുരുട്ട് പോലെ എന്തോ ആണ്)ഒരു ഫ്ലക്സ് ബോര്‍ഡും, വായടക്കടാ എന്ന് എതിര്‍കളിക്കാരോടുള്ള വാചകവും ഒരു അര്‍ജന്റീന ടീമീന്റെ ഒരു വലിയ ബോര്‍ഡില്‍ വഴിവക്കിലെവിടെയോ കണ്ടു. ബ്രസീല്‍ ടീമും ഇത്തരത്തില്‍ (അതില്‍ പുകവലിക്കുന്ന ആരെയും കണ്ടില്ല) പ്രകോപ്പിച്ച് ഫ്ലക്സ് ബോര്‍ഡുകള്‍ കണ്ടു.
ഫ്ലക്സ് പ്രിന്റ് ചെയ്യുന്ന ഒരു കടയില്‍ ഇപ്പോള്‍ നടന്ന ഒരു സംഭവം മനസ്സില്‍ ചിരിയുണര്‍ത്തി. ഒരു നാട്ടിലെ ബ്രസീല്‍, അര്‍ജ്ജന്റീന ഫാന്‍സ് അസോസിയേഷനുകാര്‍ ഒരേ സമയം കടയില്‍ എത്തി. ഫ്ലക്സ് ഡിസൈന്‍ ചെയ്യുന്നതിനിടയില്‍ രണ്ട് കൂട്ടരും ഒരുമിച്ചായതിനാ‍ല്‍, അതില്‍ പ്രിന്റ് ചെയ്യാനുള്ള വാചകങ്ങള്‍ മാറ്റി മാറ്റി പറയാന്‍ തുടങ്ങി. അവസാനം കടക്കാരന്‍, രണ്ട് കൂട്ടരോടും പിന്നീട് വേറെ വേറെ സമയങ്ങളില്‍ വരാ‍ന്‍ പറഞ്ഞത്രെ.
പ്ലാസ്റ്റിക്ക് എന്ന വസ്തുവിന്റെ ദോഷങ്ങള്‍ അനുഭവിച്ച് കൊണ്ടിരിക്കുന്ന ഒരു തലമുറയാണ് ജീവിച്ചിരിക്കുന്നത്. അടുത്ത തലമുറയുടെ ശാപം ഫ്ലക്സ് ബോര്‍ഡുകള്‍ ആയിരിക്കും എന്നതില്‍ സംശയമില്ല.........
Plastic inte upayogam kuraykkan oru saadharanakkaranu enthokke nadapadikal sweekarikkanaakum ennatinekurichu oru article nannayirikkum...
ReplyDeleteഇത് plastic ന്റെ കാര്യം മാത്രമല്ല , പൊതുവായ മനോഭാവം ആണ്. some kind of extremism.
ReplyDelete