Sunday, August 26, 2018

പഴുത്ത ലഡു


രണ്ട് ദിവസം മുൻപ് അച്ഛനാണ്‌ ഓറഞ്ച് നിറത്തിലുള്ള ലഡു വാങ്ങിക്കൊണ്ടുവന്നത്. മൂന്നര വയസ്സുള്ള എന്റെ മകൻ കുഞ്ഞുണ്ണിയ്ക്ക് ലഡു നൽകിയതിന്‌ ശേഷം ബാക്കിയുള്ളവ ഒരു പാത്രത്തിൽ ഇട്ടു വെച്ചു. കുറച്ച് കഴിഞ്ഞപ്പോൾ കുഞ്ഞുണ്ണി അവന്റെ പതിവ് ഉച്ച മയക്കത്തിലേയ്ക്ക് പോയി.

വീട്ടിൽ വന്ന മറ്റ് ചില അതിഥികൾ അപ്പോഴാണ്‌ മഞ്ഞ നിറത്തിലുള്ള ലഡു കൊണ്ടു വന്നത്. അത് അമ്മ ഓറഞ്ച് ലഡു ഇട്ട് വെച്ച അതേ പാത്രത്തിൽ ഇട്ടു വെച്ചു. ഉറക്കമുണർന്ന് വന്ന കുഞ്ഞുണ്ണിയോട് ലഡു വേണോ എന്ന് ഞാൻ ചോദിച്ചു. എന്റെ കയ്യിലിരുന്ന ആ പാത്രത്തിലേയ്ക്ക് നോക്കി അവൻ നിഷ്കളങ്കമായ പുഞ്ചിരിയോടും ആകാംക്ഷയോടും എന്നോട് ചോദിച്ചു.

“അച്ഛാ, മുത്തശ്ശൻ കൊണ്ടു വന്ന ഈ ലഡുവൊക്കെ എങ്ങനെയാ പഴുത്തത് ?”

എടാ മിടുക്കാ എന്ന് പറഞ്ഞ് അവനെ കെട്ടിപ്പിടിച്ചപ്പോഴും അവന്റെ സംശയം മാറിയിരുന്നില്ല.